തിരിച്ചുവരവ് ആഘോഷമായി; ഹോബാര്‍ട്ടില്‍ സാനിയ മിര്‍സ സഖ്യം കിരീടമുയര്‍ത്തി 

Published on 18 January 2020 5:39 pm IST

ഹൊബാര്‍ട്ട്: ടെന്നിസ് കോര്‍ട്ടിലേക്കുള്ള തിരിച്ചുവരവ് കിരീട നേട്ടത്തോടെ ആഘോഷമാക്കി സാനിയ മിര്‍സ. ഹോബാര്‍ട്ട് ഇന്റര്‍നാഷണലിന്റെ ഡബിള്‍സ് ഫൈനലില്‍ ഉക്രേനിയന്‍ താരം നദിയ കിച്ചനോക്കിനൊപ്പമാണ് സാനിയ കിരീടം നേടിയത്. ചൈനയുടെ ഴാങ് ഷുവായ്- പെങ് ഷുവായ് സഖ്യത്തെയാണ് തോല്‍പ്പിച്ചത്. നേരിട്ടുള്ള സെറ്റുകള്‍ക്കായിരുന്നു സാനിയ സഖ്യത്തിന്റെ ജയം. സ്‌കോര്‍ 6- 4, 6-4. 

ഒരു കുഞ്ഞിന് ജന്മം നല്‍കിയ ശേഷമാണ് സാനിയ കോര്‍ട്ടിലേക്ക് തിരിച്ചെത്തിയത്. രണ്ട് വര്‍ഷത്തില്‍ കൂടുതല്‍ സാനിയ കോര്‍ട്ടില്‍ നിന്ന് വിട്ടുനിന്നു. അമ്മയായതിന് ശേഷം സാനിയ കളിക്കുന്ന ആദ്യ ടൂര്‍ണമെന്റാണിത്. 33കാരിയായ സാനിയ 2017 ഒക്ടോബറിലാണ് അവസാനം കളിച്ചത്. 

ഇനി ഓസ്‌ട്രേലിയന്‍ ഓപ്പണിലാണ് സാനിയ കളിക്കുക. മിക്‌സ്ഡ് ഡബിള്‍സില്‍ രോഹന്‍ ബൊപ്പണ്ണയ്ക്കൊപ്പമാണ് സാനിയ ഇറങ്ങുക.
 






സൈബര്‍ നിയമ പ്രകാരം അശ്ലീലവും നിയമ വിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കേണ്ടതാണ്.
വായനക്കാരുടെ അഭിപ്രായങ്ങള്‍ വായനക്കാരുടെത് മാത്രമാണ്.

Related News

Latest News

Loading...please wait