കണ്ണൂര്‍: എക്‌സൈസ് പരിശോധനയില്‍ പൊതുസ്ഥലത്ത് കഞ്ചാവ്‌ചെടി കണ്ടെത്തി. കണ്ണൂര്‍ മൈതാനപള്ളിക്ക് സമീപത്ത് വച്ച് ഉടമസ്ഥനില്ലാത്ത നിലയില്‍ പൊതുസ്ഥലത്ത് നിന്ന് കഞ്ചാവ് ചെടി കണ്ടെത്തിയത്. റേഞ്ച് ഓഫിസിലെ പ്രിവന്റീവ് ഓഫീസര്‍ സി.കെ ബിജുവും സംഘവും ഓണം സ്‌പെഷ്യല്‍ ഡ്രൈവിന്റെ ഭാഗമായി വിവിധ ഭാഗങ്ങളില്‍ നടത്തിയ പരിശോധനയിലാണ് കണ്ടെത്തിയത്. കഴിഞ്ഞ ദിവസങ്ങളില്‍ പള്ളിക്കുന്ന് വാട്ടര്‍ടാങ്കിനു സമീപത്തും പഴയങ്ങാടി ബസ് സ്റ്റാന്റിന് സമീപത്തും വച്ച് കഞ്ചാവ് ചെടി കണ്ടെത്തി. പി.കെ ദിനേശന്‍,സി.എച്ച് റിഷാദ്,എന്‍. രജിത്ത്കുമാര്‍,എം. സജിത്ത്, ഗണേഷ് ബാബു,പി. നിഖില്‍ എന്നിവരും ഉണ്ടായിരുന്നു.