തളിപ്പറമ്പ്: തളിപ്പറമ്പ് നഗരത്തിലും പരിസര പ്രദേശങ്ങളിലും വീണ്ടും തെരുവുനായ അക്രമം. എട്ടു പേര്‍ക്കാണ് ഇന്നു തെരുവ് നായയുടെ അക്രമണത്തില്‍ പരിക്കേറ്റത്. സുനിത ഗംഗാധരന്‍ (50), ചന്ദ്രന്‍ (55), സിബി (58), കെ ഇബ്രാഹിം (36), സുചിത്ര (29), എം.പി മുസ്തഫ (55), മൂത്തേടത്ത് ഹൈസ്‌കൂള്‍ എട്ടാ തരം വിദ്യാര്‍ഥി സായി നിവേദ് (13), മുഹമ്മദ് ഷംനാസ് അലി (10) എന്നിവര്‍ക്കാണ് കടിയേറ്റത്. പരിക്കേറ്റവരെ തളിപ്പറമ്പ് സഹകരണ ആശുപത്രിയിലും താലൂക്ക് ആശുപത്രിയിലും പ്രാഥമിക ചികിത്സ നല്‍കിയ ശേഷം സിബിയെ ജില്ലാ ആശുപത്രിയിലും മറ്റ് ഏഴു പേരെ പരിയാരം ഗവ. മെഡിക്കല്‍ കോളജിലും പ്രവേശിപ്പിച്ചു. രാവിലെ 8.30നും ഒമ്പതിനും ഇടയിലായിരുന്നു നായയുടെ അക്രമണം.