ഉളിക്കല്ലിൽ കാട്ടാനയുടെ ചവിട്ടേറ്റ ആന്ത്രശേരിൽ ജോസിന്റെ മരണത്തിന് ഉത്തരവാദി വനം വകുപ്പാണ്. ഒരു വർഷത്തിനിടയിൽ ഉളിക്കല്ലിൽത്തന്നെ ഇത് രണ്ടാമത്തേതാണ്. ആനകളെ വനത്തിൽ സംരക്ഷിക്കേണ്ട ചുമതല വനം വകുപ്പിനാണെന്ന് കേരള കോൺഗ്രസ്(ബി) സംസ്ഥാന ജനറൽ സെക്രട്ടറി ജോസ് ചെമ്പേരി പറഞ്ഞു. പ്രാണരക്ഷാർത്ഥം കൃഷിക്കാരൻ ഒരു കാട്ടുപന്നിയെ കൊന്നാൽ കേസെടുക്കാൻ നിയമമുള്ള ഈ രാജ്യത്ത് ആനക്കെതിരെ കേസെടുക്കാൻ കഴിയാത്തതു കൊണ്ട് ബന്ധപ്പെട്ടവനപാലകർക്കെതിരെ കേസ് എടുക്കണം. ജോസിന്റെ കുഡുംബത്തിന് അർഹമായ നഷ്ടപരിഹാരം വനം വകുപ്പ് നല്കണമെന്നും അദ്ദേഹം ആവശ്യപ്പെട്ടു.